Губењето на работата може да ви ја намали самодовербата, но не треба да ве обесхрабри во потрагата по нова работа.

Имајте в предвид дека барањето на работа може да потрае подолго од што сте очекувале и немојте да бидете очајни поради тоа.  Бидете подготвени за порази, затоа што барањето работа може да биде и исцрпувачко.

Прво треба да ги анализирате причините зошто сте добиле отказ, и ако вината е ваша да се коригирате во иднина. Истите грешки да не ги правите на новото работно место.

Работните огласи на интернет се одличен почеток за барање на работа, но тоа е само еден од начините. Најголемиот дел од времето треба да го искористите да направите нови контакти кои се многу важни за понатаму.

Направете кратка биографија, а ако веќе ја имате,  коригирајте ја за секоја работа за која ќе конкурирате. Ако припаѓате на постарата генерација, изоставете ја информацијата кога сте дипломирале, а со податоците опфатете го периодот од последните петнаесет години затоа што на некои работни места  годините се гледаат при вработување.