Откако јавноста реагираше за ултра краткиот рок за пријавување на кандидат на големиот владин оглас за наоѓање на шеесетина нови директори на јавни институции и агенции, како и на дваесетина заемници директори, од Владата решија да го поништат објавениот итен оглас. 

Затоа сега е објавен нов оглас за истите функции кој ќе има подолг рок на пријавување на кандидати. Првиот оглас беше со рок за пријавување од три дена, додека новиот оглас има рок за пријавување од 15 дена.

- Рокот за пријавување на кандидатите изнесува 15 дена од објавувањето на огласот во дневните весници , а рокот за пријавување на кандидати за директор на Јавниот фонд за здравство изнесува 30 дена, стои во новиот оглас на Владата.