Претседателот на Европскиот совет Доналд Туск во текот на утрешниот ден ќе допатува во Скопје.

Тој ќе има средба со шефот на државата Ѓорге Иванов а според најавите главна тема на средбата ќе биде мигрантската криза, а фокус ќе се стави и на политичката состојба.

Меѓутоа, не се исклучува можноста Иванов уште еднаш да ја да слушне пораката од Европската унија која досега преку повеќе комесари и функционери му порача да ја преиначи одлуката во однос на мандатот.

Европската заедница досега повеќепати му укажа на Иванов да го почитува Уставот и законите и да го додели мандатот на оние партии кои имаат мнозинство во Собранието, на што првиот човек на земјава возврати со тоа дека нема да се предомисли и дека мандат за влада нема да добие тој што прифаќа платформи на туѓи држави, алудирајќи на опозицијата.