Доцна синоќа, Владата и официјано на седницата ја донесе одлуката за забрана на сите авионски летови од Велика Британија и од Северна Ирска во Македонија, а ваквата забрана ќе важи до крајот на годинава. Одлуката што ја усвои Владата е по препорака на Комисијата за заразни болести откако во Велика Британија е регистрирана нова многу позаразна мутација на корона вирусот.

-Со оваа одлука на Владата ќе биде задолжителна проверка на сите патници кои влегуваат на територијата на Северна Македонија од Велика Британија и Северна Ирска преку копнен граничен премин и на граничните премини на аеродромите во Скопје и Охрид и сите ќе бидат задолжително упатени во самоизолација од 14 дена, како и да пополнат пријава за влез во државата со податоци за местото на сместување, се наведува во владиното соопштение.