Законот за јазици сѐ уште талка во место. Од ВМРО-ДПМНЕ со поддршка за одлуката на Претседателот да не го потпишува указот за објавување во Службен веснинк и и порачаа на власта да не помислува да гази преку институцијата Претседател бидејќи за тоа кривично ќе одговара

СДСМ пак, со критики кон ВМРО ДПМНЕ.

„Законот за употреба на јазиците е во согласност со Уставот и Амандманот 5 донесени во 2001 година и ја унапредува употребата на сите јазици на немнозинските заедници што е во согласност со концептот на едно општество.

Ѓорге Иванов е должен да постапува според Уставот и членот 75 од Уставот и е должен да го потпише Указот за Законот за употреба на јазиците.

Ниту Иванов, ниту ВМРО-ДПМНЕ не се над Уставот и нема да успеат да внесат нови поделби во општеството. Македонија избра да оди напред како едно општество за сите граѓани“ – стои во писмената реакција на СДСМ

 Согласно Уставот, претседателот на државата е должен да го стави својот потпис но при тоа не е наведено во кој рок мора да го направи тоа. Ваквата ситуација му остава простор на Иванов, Законот за јазиците да го држи во џеб на неодредено време и практично да го блокира неговото стапување на сила.