Под влијание на екстремно топла воздушна маса од југ, односно од Африка, во нашата Република Македонија и тоа до четврток (24 јули) времето ќе биде сончево и екстремно топло со појава на мала локална облачност, објави метеорологот Славчо Попоски.

Повремено ќе засилува фенски ветер претежно од западен и од југозападен правец.

И во Скопскиот регион до четврток (24 јули) следува период на екстремно топло време. Ќе биде претежно сончево со повремено засилување на фенски ветер претежно од западен и од југозапаен правец.

Што се однесува до температурите, тие насекаде ќе надминуваат 30/35 степени, додека во Повардарието локално температурата ќе надминува 40 степени. Односно, во Повардарието локално температурата ќе се искачи до околу 42/43 степени. Во Скопје и околината температурата за време на овој екстремно топол бран од Африка ќе се искачува во интервалот помеѓу 40 и 42/43 степени.

Ув индексот ќе има многу висока до екстремно висока вредно и ќе изнесува 9. Токму поради ова апелирам, граѓаните без потреба да не излегуваат во најтоплиот дел од денот  и кога сонцето е најсилно (од 11 до 17 часот) но и да пијат повеќе течности.