ДИЗЕЛОТ ПОСКАПУВА ЗА ДЕНАР И ПОЛОВИНА, НАГОРЕ И БЕНЗИНИТЕ - еве какви ќе бидат цените на горивата
Регулаторната комисија за енергетика и водни услуги на Република Северна Македонија донесе одлука зазголемување на малопродажните цени на нафтените деривати во прoсек за 3,56 отсто, во однос на малопродажните цени на нафтените деривати утврдени согласно претходната одлука, соопшти регулаторот.
Од вечерва на полноќ малопродажната цена на бензинот ЕУРОСУПЕР БС-95 се зголемува за 0,50 ден/лити ќе изнесува 54,50 ден/лит. Малопродажната цена на бензинот ЕУРОСУПЕР БС-98 се зголемува за 1,00 ден/лити ќе изнесува 57,00 ден/лит. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1)се зголемуваат за 1,50 денари/литар и од вечерва на полноќ дизелот ЕУРОДИЗЕЛ (Д-Е V) ќе изнесува 47,00 ден/лит, додека малопродажната цена на Екстра лесното масло за домаќинство (ЕЛ-1) ќе изнесува 35,00 ден/лит.
Од 19.05.2020 година максималните цени на нафтените деривати ќе изнесуваат:
Моторен бензин ЕУРОСУПЕР БС - 95 54,50(денари/литар)
Моторен бензин ЕУРОСУПЕР БС -98 57,00(денари/литар)
Дизел гориво ЕУРОДИЗЕЛ БС (Д-Е V) 47,00(денари/литар)
Масло за горење Екстра лесно 1 (ЕЛ-1) 35,00(денари/литар)
Мазут М-1 НС 19,498(денари/килограм)
„Напоменуваме дека ова се максималните цени на нафтените деривати од 00:01 часот на 19.05.2020 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Инаку минатата недела продолжи трендот на раст на цените на нафтените деривати на светските берзи. Цената на бензинот се зголемиво просек за околу 5,64%, а кај дизелот зголемувањето е во просек за околу 10,84%. Цената на екстра лесното маслопорасна во просек за околу 13,64%, додека кај мазутот се регистрира зголемување во просек за околу 12,81 %.
Во истиот периодкурсот на денарот во однос на доларот е повисок за 0,099 %.
Согласно Методологијата за формирање на цените, вклучени се сите овие влезни параметри и извршено е соодветно прилагодување.
Слично
Поврзани вести
