По неколку дневен штрајк на вработените во Македонски железници – транспорт, денеска директорот Никола Костов даде оставка.

Оваа информација ја пренесе ТВ24 повикувајќи се на извори од владата.

Имено, вработените во МЖ Транспорт неколку дена штрајкуваа поради неисплатените плати и лошото раководство на менаџментот.

Организаторите на штрајкот потенцираат дека се додека не им се исплатат целосно сите заостанати плати нема да го одглават сообраќајот на товарните и патнички возови.

Од Министерството за транспорт и врски пак потенцираа дека за 2017 година од буџетот на Република Македонија се издвоени 380 милиони денари за Јавното претпријатие „Македонски железници“ и дека ресорното министерство во рамки на своите законски можности ќе стори сѐ за да се реши оваа состојба во претпријатието.