Директорката на СОУ „Наум Наумовски Борче“ во Крушево, Фаница Николоска денеска е разрешена, а на нејзино место доаѓа наставничката по географија во гимназијата, Снежана Миленкоска.

По инспекциски надзор извршен на 6 декември и усвоени неправилности, училишниот одбор одлучил Николоска да биде разрешена, се наведува во соопштението од Општина Крушево.

Според училишниот одбор таа го прекршила членот 7 со вршење на политичко влијание кон учениците, како и членот 27 од Законот за јавни набавки со што се сомничи дека исплатила личен доход без постоечки договор.

„Фаница Николоска го прекршила член 7 од Законот за средно образование, според барањето на одборот за разрешување доставено до градоначалникот на Општина Крушево Томе Христоски, со кој се забранува секакво политичко организирање и дејствување, како и повреда на член 27 од Законот за јавни набавки. Врз основа на член 93 од Законот за средно образование градоначалникот Христоски ја разреши досегашната директорка“, стои во соопштението.