Поранешните директори на тетовската болница - Флорин Бесими и Артан Етеми условно се прогласени за виновни за пожарот во модуларната болница, додека докторот Бобан Вучевски е ослободен од вина. 

Бесими и Етеми се осудени на казна затвор по една година и шест месеци условно ако во рок од три години не сторат ново кривично дело. Тогашните директори не поставиле опрема за гаснење на пожарот, додека докторот дозволувал посета на пациентите иако тие била заболени од Ковид-19. Пожарот се гаснел со ќебе и вода. 

Тетовската болница како правно лице треба да плати милион денари оштета. Директорите се гонеа за две кривични дела, и тоа за тешки дела против општата сигурност и непостапување според здравствените прописи за време на епидемија, а докторот само за непостапување според здравствените прописи во време на епидемија.