Независниот кандидат за градоначалник на Куманово, Максим Димитриевски денеска изјави дека граѓанскиот концепт успеа да ги победи сите политички субјекти и партии. 

Тој се заблагодари на граѓаните за поддршката во вчерашниот изборен ден.

„Еве еден ден по изборите сакам да се заблагодарам во мое лично име како кандидат за градоначалник и во име на кандидатската листа за советници поддржана од граѓаните „За наше Куманово“ за големата поддршка која вчера ја добивме од кумановчани и воедно да упратам порака првенствено и до тие коишто нѐ поддржаа, но и до тие кои не успеавме во првиот изборен круг да ја добиеме нивната поддршка дека ќе направиме се за да се здобиеме со вашата доверба“, рече тој.