Во тешка сообраќајна несреќа животот го загуби млада девојка која со нејзиното Пежо била удрена од градски автобус на ЈСП, во населбата Гоце Селчев, Скопско во близина на надвозникот. Во несреќата учествувале автобус на ЈСП управувано од Т.П. и патничко моторно возило марка „Пежо партнер“ со скопски регистарски таблички, пренесува Нова ТВ.

На ургентен центар девојката била донесена околу 17.30 часот со тешки повреди. Лекарите се обиделе со реанимација, но тие обиди останале безуспешни, па таа околу 18 часот им подлегнала на повредите. Телото на починатата девојка ќе биде преземено од службите на АД Бутел и ќе биде пренесено во судска медицина

Според информации од очевидци, несреќата се случила кога на патот пред Пежото излегле кучиња па во обид да ги избегне, девојката преминала во спротивна лента директно удрила во автобусот.

Ова е втор случај на тешка сообраќајќа со жртви на овој пат во кратко време откако во септември на истиот пат беше прегазено 19-годишното момче Христијан Крстески.