Во Кривичниот суд за денеска е закажано рочиште за упадот во Собранието од 27 април.

Девет лица ќе седнат на обвинителна клупа. Од нив двајца се во притвор, а двајца во домашен притвор.

Во својство на сведоци се повикани повеќе лица меѓу кои и припадници на обезбедувањето на лидерот на СДСМ,  Зоран Заев, обезбедувањето на поранешниот министер за внатрешни работи,  Оливер Спасовски и внатрешното обезбедување во Собранието. 

Првото рочиште беше одложено затоа што не се појави првообвинетиот Ангеле Зафировски, наречен Бате Геле, кој  е еден од деветтемина обвинети  за  „учество во толпа што ќе изврши кривично дело“.

На социјалните мрежи се најавени собири на граѓани од здружението „Тврдокорни“.