„Виножитото е одличен симбол на РСМ и треба да ја замени ѕвездата од Вергина: лажни полови, лажно минато, лажни нации! Да живее Скопје прајд!“, напиша Искрен Веселинов на Фејсбук по одржаната „Парада на гордоста“ изминатиот викенд во главниот град.

Инаку Веселинов е десна рака на поранешниот бугарски вицепремиер и министер за одбрана Крсимир Каракачанов и е носител на листата на бугарското ВМРО за престојните парламентарни избори во Бугарија.

Ваквата реакција на Веселинов следува откако премиерот Зоран Заев и министрите исто така изразија поддршка за настанот Стотици луѓе, вклучувајќи го и претседателот Стево Пендаровски, присуствуваа на парадата на гордоста во Скопје на 26 јуни. Ова беше втор пат да се организира ваква манифестација во Македонија. Покрај претседателот и неговата сопруга, присуствуваа и неколку министри од кабинетот. Премиерот Зоран Заев ја изрази својата поддршка за настанот, кој ги слави различностите и еднаквоста, на Фејсбук.

Парадата беше организирана од Националната мрежа против хомофобија и трансфобија. Учесниците носеа знамиња во боја на виножито и транспаренти со пароли како „Доста се криеме“. До сега нема информации за нарушување на јавниот ред и мир.

Првиот митинг на гордоста во северна Македонија се одржа во 2019 година, а минатогодишниот настан беше откажан поради пандемијата на коронавирусите.