Рената Дескоска, министерката за правда, денеска пред новиот обид да се дојде до договор за судбината на СЈО помеѓу власта и опизицијата истакна дека преговарачкиот тим на ВМРО-ДПМНЕ има легитимно право да го вклучи Антонио Милошоски, иако тој е осомничен во истрагата „Моќник“ на специјалното обвинителство.

Министерката реле дека сепак вклученоста на учесникот во спротивниот табор зборува за „нивната позиција и резервираност“ кон приоѓањето на овој проблем кој треба да се реши на барање на Европската комисија како дел од реформските процеси кои имаат краток рок.

„Секоја пратеничка група и секоја партија си го составува преговарачкиот тим. Нивната оценка кој ќе ги застапува најдобро нивните интереси можете ја видите од составот на тимот и секако тоа праќа порака кои позиции ќе им бидат приоритетни во преговорите, но нивно дискреционо право е да си го состават тимот“, кажа Дескоска.

Денеска започнува нова рунда за преговори, по претходните три неуспени обиди, а за изгласување на законот за јавното обвинителство е потребен консензус и двотретинско мнозинство.