Министерката за правда Рената Дескоска во своето обраќање на Охридската школа на природното право истакна дека со Законот за референдум не може да се менува цензусот за референдум бидејќи цензусот е уставна категорија.

Референдумот се смета за успешен и одлуката е задолжителна доколку за тоа се изјаснат мнозинството од избирачите кои гласале, односно повеќе од половината од вкупниот број избирачи.

Во тој контекст, министерката Дескоска појасни: „Како правник и сега како министер слушам различни прашања деновиве за тоа дали можеме со Законот за референдум да го менуваме цензусот за референдумот. Не може затоа што цензусот е уставна категорија. Ако се залагаме за владеење на право и за почитување на Уставот, не можеме да менуваме нешто што е изречно уставно загарантирано“.