Тешка задача ќе има новиот антикорупционер кој за да биде избран ќе мора да исполни некои услови кои досега не беа како оние кои се предлагаат согласно новиот Закон.

Пратениците со 81 глас „За“ го  донесоа новиот закон за антикорупциската комисија за кој беше потребно двотретинско мнозинство.

По негодување владеачката гарнитура прифати 20 од вкупно 40 амандмани од опозициската ВМРО ДПМНЕ при што го отворија патот за формирање на комисијата која безмалку една година не функционира по оставките кои ги поднесоа тогашните членови поради низата сериозни сомневања за малверзации кои ги правеле. 

Оној што ќе биде избран за претседател на Антикорупциска ќе треба да има најмалку десет години работено во завршување на високото образование и тоа од тие десет години барем осум треба да поминал во  областите на откривање или спречување корупцијата, владеење на правото или добро управување.

Покрај тоа, новиот антикорупционер ќе ја добие новата функција но само ако во последните десет години не бил пратеник, член во Владата , но не смее да биде и донатор на партија или да не вршел функција во органи на политичка партија.