Ако нема уставни измени во Македонија, бугарското вето останува.

„Бугарската влада нема причина да го смени ставот кон Северна Македонија, а очекуваме да си ги исполни обврките кон Европската унија“, вели бугарскиот премиер Николај Денков во интервју за „24 часа“. 

Вели дека сега разговорите се меѓу ЕУ и Македонија. 

„Со реализацијата на т.н француски предлог, како резултат на кој беше укинато ветото, разговорот, всушност, повеќе не е меѓу Бугарија и Северна Македонија, туку помеѓу Северна Македонија и ЕУ. Тоа што се  очекува е да си ги исполнат обврските пред ЕУ. Нема никаква причина да ја смениме нашата позиција“, истакна Денков.

Во Македонија опозицијата е против внесување на Бугарите во Уставот.

Претседателот на ВМРО-ДПМНЕ, Христијан Мицкоски за Политика вели дека нема гаранции дека ова ќе биде последната промена на Уставот.

Изјави дека ако промена на Уставот е услов за ЕУ, тогаш Македонија ќе беше членка и шампион на ЕУ, затоа што во овие триесет години имаме измени на Устав колку сите земји членки заедно.