Денешното гласање за локалните избори се одвива непречено и без проблеми, соопшти Државната изборна комисија (ДИК).

Денеска гласаат болните или немоќни лица, лицата кои се на издржување казна затвор или се во притвор и лицата кои се пријавиле за гласање, а се сместени во установите за вонсемејна грижа. 

Според ДИК, гласањето се одвива непечено и без проблеми  

Како што информира ДИК, до 15:30 часот од вкупно 8 848 болни или немоќни лица кои може да го остварат своето право на глас на овие локални избори, гласале 5.385.  

Од 2.162 лица кои се на издржување казна затвор или притвор, своето право на глас до 15:30 часот го оствариле 810 гласачи.  Во установите за вонсемејна грижа, пак, до 15:30 од 442 лица гласале 135 гласачи.