Во склоп со длабокиот циклонски систем кој е со центар над северозападна Европа, во следните часови и утре, најпрвин во западните, а потоа и во останатите предели од Македонија ќе има повремени врнежи од дожд со слаб до умерен, понекаде, особено во јужните предели и со умерен интензитет. Ветерот од јужен правец и понатаму ќе го има, но ќе биде со послаб интензитет и ќе го менува својот правец во југоисточен, вели метеорологот Славчо Попоски.

-За време на овој влажен бран, локално ќе наврнат над 15 литри дожд на метар квадратен, особено во јужните предели.

Послаби врнежи од дожд ќе има и во Скопје и околината.

Што се однесува до температурите, тие и понатаму остануваат натпросечно високи за овој период од годината и на повеќе места ќе надминуваат 10 степени, а во најтоплите централни и југоисточни предели тие ќе надминат и 15 степени.

Натпросечното топло време ќе остане и во текот на следната седмица, но детална метео анализа за следната седмица следува во следните наши објави, вели тој.