Членови и симпатизери на ВМРО-ДПМНЕ пред Министерството за правда вечерва протестираат за поддршка на притворените за насилствата во Собранието од 27.април.

Пратеникот Антонио Милошоски апелираше до Обвинителството и Министерството за правда да размислат и да не прават поделби помеѓу луѓето. Тој смета дека неоправдано се приведени пратениците. 

„Владо Јовановски сега е Риато Шишков. Единственото лошо што го направил е што ја пеел химната. Како е Игор Дурловски терорист? Според оваа марионетска власт тој е терорист само затоа што си ја сака својата земја”- рече тој. 

Милошоски рече дека оваа власт не може да испорача резултати и прави работи кои се на штета на граѓаните. 

Демонстрантите го нарекоа Министерството за неправда. Според нив ова е хајка. 

На протестот дојде и лидерот на партијата,  Никола Груевски.