ЕУ и Велика Британија ги замрзнаа сите средства на Роман Абрамович, кому така му стана недостапно поголемиот дел од неговото богатство, кое изнесува околу 6,5 милијарди фунти.

Според таблоидот Дејли Меил, оваа недела работите станале толку лоши што Абрамович побарал од своите богати пријатели да му позајмат пари. 

Според нивните информации, тој им пришол на голем број свои богати пријатели во САД, меѓу кои и холивудскиот продуцент Брет Ратнер и членовите на семејството Ротшилд, барајќи од нив да му позајмат по милион долари, за да може да си ги плати неделните сметки за јахти, вили и персоналот, кои наводно изнесуваат околу 750.000 долари.

Абрамович негира сè.

„Дејли мејл“ пишува и дека сопругата на Питер Авен, директор на најголемата руска приватна банка и пријател на Роман Абрамович, ги посетила лондонските банкомати и собрала максимални суми пари за да собере готовина пред да стапат на сила новите санкции.