Во Македонија има околу 8.000 граѓани кои живеат без лични документи, според заменик министерот за внатрешни работи Агим Нухиу, кој беше дел од синоќешната дебата Клик плус. Една од нив е и Фатмире. Таа потекнува од Косово, а пред 35 години се омажила за македонски државјанин. Иако тука оформила семејство, сепак, нема македонско државјанство и покрај тоа што на секои три месеци бара од државата да и биде овозможено да добие лични документи.

Љутфи Акики, советник во МВР потенцира, вели дека првиот услов за стекнување на право за добивање на државјанство е постојано место на живеење.

Дополнителен проблем со лицата без документ за лична идентификација, според поранешниот пратеник Хајрула Мисини е тоа што тие не се заведени во ниту еден систем. Поради тоа во случај да сторат кривично дело, тешко се откриваат.