Фотографиите од учесниците на ултра маратонот „Артерија на Арбр“ од Дебар се загрижувачки, реагираат за Фактор жители на градот. Маратонците вчера доцна попладнето пристигнаа во Дебар, а нив на плоштадот „Скендербег“, ги пречека градоначалникот Хекуран Дука и поголем број граѓани и претставници на локалната власт. 

Градот кој прв се бореше со коронавирусот сепак сега потфрлува во грижата.

– Ви посакувам топло добрдојде, пријатни мигови во Дебар, чии жители се познати по нивната гостопримливост. Ви чиститам на вашата одлука и истрајност да минете толку долг пат. Честитки и уште многу вакви подвизи, рече меѓу другото Дука.

Маратонците тргнале вчера од плоштадот „Скендербег“ во Тирана и минаа пат во должина од 116 километри преку атрактивна природа. Организаторот за нив обезбедил вода, храна, како и присуство на лекар во текот на целото време.

На учесниците им беа доделени признанија и медали.