Александар Даштевски, претседател на ДИК на вечерашнава пресконференција рече дека од досега обработените резултати, кандидатот на СДСМ Петре Шилегов има освоено 35,26 отсто и Данела Арсовска има 38,15 отсто, но бројот на обработка е сеуште мал. За Совет на Град Скопје има недоволна обработеност.

Тој рече дека сите резултати можат да се видат и на веб сајтот на ДИК. 

Даштевски се извини на новинарите ако нешто погрешно кажал во текот на денешните пресконференции.

„Се извинувам ако нешто погрешно кажав и јас бев под голем стрес, тежок ден беше, беше важно денот да помине донро, сега сметам дека се е во ред полека ќе чекаме резултатаи“, рече Даштевски.

Во ДИК денеска стигнале 286 приговори за заштита на избирачкото право, од кои 217 се прифатени, 19 приговори одбиени, 34 се неосновани, а 16 приговори се во обработка. 

„За 11 избирачки места за кои беше продолжено гласањето толку колку што беше прекинот, информираме дека гласањето е завршено, и тоа во последните избирачки места во 21.55, или 2 часа и 55 минути после 19 часот“, рече Даштевски. 

Постапката за собирање и обработка на резултатите сеуште трае. 

За градоначалници има резултати од 1.662 места, вкупно 3.480 избирачки места или 47,76 проценти вкупно.