По најавата на премиерот Зоран Заев дека Законот за јазици ќе се гласа без разгледување на амандманите, координаторот на пратеничката група на ВМРО-ДПМНЕ, Драган Данев изјави дека тоа е против уставно и не сака да верува дека тоа ќе се случи. Тој  не одговори дали од ВМРО – ДПМНЕ ќе ја блокираат седницата за законот да не биде донесен. 

„Не сакам да верувам дека гласањето ќе биде без да се разгледаат амандманите поднесени од ВМРО-ДПМНЕ. Уверен сум дека ќе се следи деловникот и Уставот. Амандманите мора да се разгледаат. Не учествуваме на координација со Џафери и остануваме на нашите ставови“, вели Данев.

Според Данев, од партијата сè уште размислувата за тоа како ќе постапат и какви мерки ќе преземат доколку законот биде усвоен без разгледување на амандманите.