„За спорот што Грција го има со нашето уставно име е потребен општ национален и меѓуетнички консензус. Влада може да биде предводник на процесот, но прва задача што мора да ја реализира е да ги вклучи сите релеватни институции - Собранието, Претседателот , Опозицијата . Но треба и целокупната јавност да биде информирана за сите можности и алтернативни решенија во врска со пршањето за името“, изјави Дане Талески, советник за надворешна политика на премиерот за емисијата Фактор магазин  на ТВ24.

Според него, премиерот Заев и Владата се отворени за соработка и вклученост на опозицијата  за можните излезни решенија, но и од  нивната страна треба да има конструктивен пристап.

„Нашата цел е Македонија идната година да ги отпочне преговроите со ЕУ и по можност да стане земја членка на НАТО . Има различен спектар на предизвици на тој план, некои се поврзани со домашната ситуација, некои се поврзани со регионалните односи и односите со соседите“, рече Талески  додавајќи дека  не смета оти има сериозни критики од Брисел дека е забавен реформскиот пат.