Eврокомесарот за проширување, Јоханес Хан на маргините на неформалниот состанок на премиерите на Западен Балкан што се одржа во албанскиот град, Драч изјави дека македонските граѓани, треба да изберат – или изолација, или интеграција во Европската унија и повисок стандард. 

Тој не одговори дали има алтернатива доколку не успее референдумот во Македонија. 

Црногорскиот Душан Марковиќ вели дека во регионот се зајаканал политичкиот дијалог, но и довербата, а најдобар пример за тоа е токму  потпишаниот договор меѓу Македонија и Грција.

Брисел би требало да го прифати договорот меѓу Србите и Албанците со кој би се решил долгогодишниот проблем со Косово, рече Хан. 

Косовскиот премиер, Рамуш Харадинај, порача дека Косово има свои граници и истите нема да се менуваат. 

Премиерот Зоран Заев не дојде во Драч, а по стручната и безбедносната проценка на временската прогноза, од Владата донеле одлука да се откаже специјалниот лет за Тирана на владиниот авион.