Бугарската министерка за регионален развој Виолета Комитова денеска се очекува да ги соопшти резултатите од увидот на патот Драгичево-Долна Дикања, каде се случи тешката автобуска несреќа, во која животот го загубија 45 македонски граѓани.

Оттаму најавуваат дека ќе објават дали обележувањето на автопатот Струма може да биде причина за несреќата. По трагичниот инцидент, голем број експерти рекоа дека локацијата била компромитирана бидејќи не била поправена откако била пуштена во употреба во 2007 година. Министерката за регионален развој Виолета Комитова назначи увид на патната делница.

Пред неколку дена, пак, Комитова за БНТ изјави дека многу тешко ја поднела оваа трагедија. 

Но, таа е изненадена како 4-5 дена експертите за безбедност на патиштата ја коментираа темата која е за многу подолг разговор. 

„Дури бев изненаденз што имаше толку многу стручњаци кои некако се фокусираа на патната инфраструктура, но во една сообраќајка учествуваат и возачите на возилото. Никој не ги спомна другите елементи на патот“, се прашува Комитова.

„Полошо од пожар е експлозијата и нема време да се реагира“, рече таа, додавајќи дека модерните автобуси се опремени со системи за противпожарна заштита. Комитова посочи дека е можно поради лошо време да изгубила контрола над автобусот пред да удри во заштитната ограда. Таа видела многу несреќи на автопат, но многу ретко видела пожар. Тука има нешто многу чудно и Комитова нема објаснување - како на некој начин настанал пожарот и зошто почнал многу брзо.

Таа е сигурна дека истрагата ќе навлезе во детали и се ќе се расчисти.