САД продолжуваат да играат тивка улога во процесот на решавање на спорот за името меѓу Македонија и Грција.

Oва го изјави помошникот државен секретар за Европа и Евроазија Вес Мичел. 

„Неодамна зазедовме заеднички став не само за Србија и Косово, туку работиме и на БиХ, на прашањето за името помеѓу Македонија и Грција. Како што напоменав, дел од нашиот тим во моментов работи на ова прашање, а САД продолжуваат да играат тивка улога заедно со ЕУ, Германија и останатите, охрабрувајќи да се најде решение за името, за да ја видиме Македонија како членка на НАТО“- рече Мичел во обраќањето на Херитиџ фондацијата, каде ја промовира стратегијата на претседателот Доналд Трамп за Европа.

Истакна дека САД на овие области на дневна основа трошат време и енергија, како и ресурси за проблемите на Западниот Балкан.

Грчките медиуми пишуваат дека утре македонскиот премиер Зоран Заев треба да се слушне со колегата Алексис Ципрас и да даде договор за името. Ако оваа шанса се испушти, Македонија ќе ја пропушти шансата за ЕУ и НАТО. 

Деновиве имаше најави и од македонски политичари дека прашање на денови е кога договор ќе се потпише меѓу двете страни.