Метеорологот Славчо Попоски вели дека на повидок нема никакво заладување на времето. 

„Под влијание на Антициклон (поле на висок воздушен притисок и на стабилна  и сува воздушна маса од југ) до недела 1 март 2026 во Македонија времето ќе биде сончево со појава на мала до умерена локална облачност а ветерот од северен и од северозападен правец значително ќе ја намали својата брзина  и својот интензитет.

Наутро температурите на повеќе места ќе се спуштаат за неколку степени под нулата што значи утрата ќе бидат релативно ладни и со појава на слаб мраз а преку ден ќе биде пролетно топло со температури кои ќе бидат над просекот за крајот на месец февруари и тие ќе се искачуваат во интервалот од 10 до 17 степени.

Во Скопје и околината наутро температурата ќе се спушта во интервалот помеѓу -1 и 3 степени а преку ден таа ќе се искачи до околу 14/15 степени.

Се на се, пред нас  и понатаму е стабилно, суво и сончево пролетно време со натпросечно високи максимални дневни температури на воздухот, па затоа ваквото време искористете го за уживање  и за прошетка во природа“, вели тој.