Францускиот претседател, Емануел Макрон одби да даде „зелено светло“ за почеток на преговорите со Северна Македонија и Албанија, и тоа не им се допадна на европските лидери. 

„Доколку ова е почеток на крајот на процесот на проширување на ЕУ треба да се соочиме со сериозни критики.  Ние ги охрабрувавме овие земји, им помагавме и ги посетувавме овие земји и дававме јавни ветувања на овие земји. Ако сакаме да бидеме почитувани ние мора да ги одржуваме нашите ветувања“, изјави Жан Клод Јункер,  претседател на Европската комисија.

Дебатата околу проширувањето и давањето датум за старт на преговорите со ЕУ, им одзема најмногу време на шефовите во Европскиот совет. 

Македонскиот премиер, Зоран Заев пак тврди дека немаме друга перспектива освен ЕУ. 

Македонија и Албанија ќе чекаат до идната година кога на самитот во Загреб лидерите ќе се навратат на ова прашање.