Половина од Македонците се евроскептици. 

Истражувањето „Хоризон 2020“направено преку програмата на Европската унија за тоа како жителите на Западен Балкан гледаат кон пристапувањето во Унијата, покажа дека Македонците, Србите, Црногорците и Босанците се речиси со поделени мислења во однос на тоа прашање. Според истражувањето, 50% од Македонците се евроскептици, а потоа следат граѓаните на Босна и Херцеговина и на Црна Гора. 

Испитаниците во Србија (60%) се најголеми евроскептици, и се со став дека од Унијата имаат корист само оние кои се богати и моќни. Тие веруваат дека пристапувањето кон ЕУ ќе ги загрози нивниот културен идентитет и економијата.

За разлика од нив, во најголем процент жителите на Албанија и на Косово не го застапуваат ставот дека Унијата лошо ќе влијае врз нивниот културен идентитет или економијата.