Ниту една јавна здравствена установа во овој момент не е во ризик, изјави денеска министерот на здравство, Венко Филипче. 

Вели дека стратегијата за борба со коронавирусот е добра. Рече дека има генерални, општи, но и специфични мерки. 

„Интензивно ја следиме ситуацијата, засега нема потреба од дополнителни мерки, но и понатаму ќе анализираме“, вели Филипче. 

Се надева дека нема да има потреба од построги мерки, а исто така е со став дека не треба да се продолжи вонредната состојба. 

Министерот го осуди фактот дека и покрај забраната, луѓето организираат семејни собири. 

„Не може да се прави свадба кога е тоа забрането, и згора на тоа да не се соработува, да не се кажуваат точни информации“, рече Филипче. 

Нови 175 заразени има денес во Македонија. 

Дел од нив се заразиле на семејни веселби.