По повод празникот на жената 8 Март и оваа година по втор пат ќе се одржи марш под  мотото „Марш за правата на жените”. Настанот е организиран од Платформа за родова еднаквост и останатите женски организации.

Маршот ќе стартува во 12 часот од Жена Парк преку Плоштад Македонија, Камениот Мост, а ќе заврши на плоштадот Филип Втори.

Со истото прашање и оваа година - „Дали е среќен 8 Март?“, женските организации ги повикуваат сите девојки, жени, мајки, сестри, баби, вработени, невработени, феминистки, активистки и сите кои сметаат дека женските права се важни, како и мажи, момчиња, браќа, синови, татковци, феминисти и активисти и сите кои ја поддржуваат борбата за женските права да се придружат и јавно да потсетат дека само со родова еднаквост може да имаме демократско и еднакво општество.