Никола Георгиев од Бугарија имал убава работа во ИТ сферата, но му била здодевна.

Тој бил голем љубител на видео игрите и со еден колега почнале да работат на создавање на видео игра. Прво работеле во слободно време за време на викенди и доцна навечер, но по неколку месеци ја напуштил работата и се оддал целосно на своето хоби.

Две години подоцна видео играта е реалност и ќе се појави на мобилните уреди. Се работи за видео игра во која пират решил да украде богатство во длабочините на океанот, а него го чува октопод.

Играта е претставена неодамна во Лондон, а тој е убеден дека ќе има успех.

„Човек, ако не си ги следи соништата знае дека нема да му се случат и толку“- вели тој.

Неговиот пример покажува дека хобито може да стане професија и да донесе профит.