Зоран Дабиќ, претседател на Македонски Дипломатски Синдикат вели дека Министерството за надворешни работи(МНР) му подготвило дисциплинска постапка. 

Вели дека дисциплинската е затоа што говорел за состојбите во македонската дипломатија. Додава дека заплашувањето и натаму продолжува и бара поддршка од народот. 

„Јас цел свој живот и кариера ги посветив на одбрана на македонските национални интереси и сега, неколку месеци пред пензија нема да дозволам никој да ме замолчи! Дисциплинската постапка е покрената и покрај тоа што има низа прекршувања во истата на повеќе закони, дури и дел од Уставот на државата, кој толку сакаат да го споменуваат периодов! Нејсе, ова нека биде мој печат на мојата долгогодишна дипломатска кариера која ќе ја завршам за Македонија! Македонија е наша татковина, земјата моја и на моите деца! Моите пензионерски денови ќе ги уживам во прекрасните македонски места со убава македонска храна и прекрасни пријатели кои не познаваат вера и нација, туку само убаво поминати денови. Останете ми живи и здрави, секое раководство доаѓа и си заминува“, пишува тој во своето отворено писмо.

Дабиќ присуствуваше на протестите против францускиот предлог и таму говореше што се случува со македонската дипломатија. Дабиќ порача дека ни требаат компетентни дипломати. На протестот кажа дека министерот Бујар Османи го киднапирал МНР. 

фото принтскрин