Експертите се залагаат за итна вакцинација во земјава на оние кои не го прележале коронавирусот.

Ова го кажа д-р Никола Пановски во разговор за Телевизијата Канал 5.

„Не е фер да се каже дека само вакцинираните се заштитетни, бидејќи прележаните се многу повеќе заштитетни од вакцинираните. Тука може да се каже, тие се 900.000 илјади, ако се 400.000 граѓани малолетни, ќе останат уште 500,000, до 1,8 милиони граѓани, на кои треба да се удри акцентот, и да се провери која е таа нивна психологија што не се вакцинирани и колку од тие 500.000 граѓани се над 50 години, бидејќи тие се многу позначајна категорија да се вакцинираат. Значи, треба некаде уште 200.000 луѓе да се вакцинираат, за да се намали бројот на смртните случаи“, рече д-р Пановски. 

Тој вели дека никаде во свет не може да се постигне 100 отсто вакцинираност на населението доколку вакцинацијата не е задолжителна.