Центарот за упавување со кризи ги извести МВР, Општина Карпош и ЈП Лајка дека граѓани пријавиле расфрлан отров помеѓу згради од кој што угинале улични кучиња.

Регионалниот ЦУК Скопје добил информација дека на крстосницата на ул. „Варшавска“ со Бул. „8ми Септември“, околу комплексот на згради, имало расфрлана отровна материја од којашто започнале да изумираат бездомните животни.

Од ЦУК, конкретно преку Регионалниот ЦУК Скопје пријавата е доставена Општина Карпош и до ЈП Лајка, за нивно понатамошно постапување, а истовремено ја информирале и Полициската станица во Карпош од каде што повратно известиле дека веднаш испратиле екипа на терен за увид“, се вели во соопштението на ЦУК.