Центарот за управување со кризи информира дека регионалниот оддел започнува интензивна потрага по исчезнато лице од село Теново од Општина Брвеница за кое е пријавено дека е исчезнато од 6 август.

„Денеска, 12.08.2023 година, како што беше планирано раководителот на РЦУК Тетово и началникот на СВР Тетово известуваат дека од 10:00 часот, дека во потрагата се вклучени 70 полициски службеници кои ќе го пребаруваат теренот кај нивите и шумата во атарот на село Теново“, гласи соопштението на ЦУК.

Во случај и денеска ако нема траги од исчезнатото лице и не биде пронајдено, од понеделник ќе се бара од хидроцентралата Маврово да го намали испуштањето на водата, а со тоа и да се намали нивото на водата на реката Вардар каде што ќе пребарува речното корито покрај самото село. 

„Ситуацијата се координира и се следи од РЦУК Тетово и благовремено ќе известува за подетални имформации, согласно развојот на потрагата“, додаваат од таму.