Oд Цивил-Центар за слобода констатираат дека вчера имало обид за поткуп на гласачи, а денеска имаме мирен почеток на изборниот ден, меѓутоа исполнет со низа помали нерегуларности. 

Се работи за технички проблеми со кои се соочуваат избирачките одбори, што е недостиг на добра подготвеност досега. 

„Во извештајот кој е дојден до мене и кој е верификуван имало и полициска интервенција, а поткупот изнесувал точно 4.500 денари за целото семејство, меѓутоа овие двајца совесни граѓани, не ги прифатиле парите и ги известиле властите за тоа, а потоа и нашиот набљудувач го пријавил ова“- изјави Џабир Дерала, претседател на граѓанското здружение Цивил-Центар за слобода.