30 дена притвор добија четири лица за кои јавното обвинителство вчера бараше да се приведат за постапката на настаните во Собранието на Република Македонија од 27 април и нападот врз Зијадин Села.​

Денеска од ОЈО Скопје соопштија дека е определена мерка Притвор во траење од 30 дена за четири лица кои се под истрага за сторено кривично дело Убиство во обид сторено во соизвршителство.

Во однос на петото лице, дополнително ќе се носи одлука за притвор бидејќи истото е со нарушено здравје .

Зијадин Села беше меѓу пратениците кои беа најсурово нападнати и претепани на “крвавиот четврток“, кога толпа народ упадна во Собрание кога СДСМ прогласуваше собраниски претседател.