Во Основниот Кривичен суд – Скопје денеска беа објавени првостепените пресуди за дел од обвинетите кои признаа вина во случајот „Титаник“ за изборни нерегуларности на парламентарните избори во 2014.

За поранешниот министер за транспорт и врски Миле Јанакиевски пресудени се четири години и шест месеци казна затвор за злосторничко здружување, повреда на слободата на гласање  и уништување на изборен материјал,.

Во казната се пресметува и времето минато во притвор и куќен притвор од 14 ноември 2018. Обвинителството предложи Јанакиевски да биде вратен во куќен притвор се до правосилноста на пресудата, додека за неговата одбрана предлогот беше неприфатлив.

Поранешниот пеф на кабинет на премиерот Никола Груевски, Мартин Протуѓер, за злосторничко здружување и повреда на слободата на определување на избирачите доби две години затвор условно.

Поранешната министерка за внатрешни работи Гордана Јанкуловска за злосторничко здружување, повредата на слободата на гласање и повреда на избирачкото право со 2 години и 6 месеци затворска казна.

Коста Митровски, поранешен претседател на изборната комисија во Центар, за уништување на изборен материјал доби три години затворска казна, додека за Мунир Пепиќ за повреда на избирачкото право досудена е една година казна затвор

Билјана Бришковска Бошковски за фалсификување на исправа, Катерина Веловска за повреда на слободата на определување на избирачите и Киро Тодоровски за повреда на избирачкото право добија условни осуди од две години.