Една фотографија, илјада зборови. Поговорката кажува се. 

На социјалните мрежи на широко се шерува фотографија од дипломатско возило паркирано на тротоар, и може да се забележи колку очигледно го блокира пристапот до безбедноста за пешаците, особено за најмалите кои се и најзагрозени во сообраќајот. 

Фотографијата на својот профил ја сподели и пратеникот и професор Димитар Апасиев кој напиша: 

„Чекајќи ги ВАРВАРИТЕ“

Сликата е поставена на Фејсбук страната „Аеродромци“ со коментар насочен кон фактот дека на тротоарите е паркирано дипломатско возило:

- Дипломатски правила на паркирање

И тоа CD највисок дипломатски кор! - стои во нивната објава. 

Но, сликата на големо се споделува и на другите социјални мрежи, а граѓаните се особено револтирани што тротоарот го блокираат токму преставници на дипломатите кои постојано ја укоруваат нашата земја за разни грешки, но и кои треба да бидат пример за почитување на учесниците во сообраќајот, а не да ги следат постапките на локалните „непочитувачи“. 

Објавата предизвика бројни коментари, меѓу кои имаше и такви да се преземат мерки од самите граѓани, бидејќи полицијата не ги казнува ваквите возачи, како и такви кои со шеги го коментираат неправилното паркирање.