Кривичниот суд го прифатил барањето на Јавното обвинителство на Република Македонија за одредување на мерка на обезбедување притвор во траење од 30 дена. 

Притворот е веќе ефективен за Митко Чавков кој е еден од главните осомничени за крвавите настани во Собранието на 27 април годинава, како и за оперскиот пејач Игор Дурловски кој беше еден од водачите на „За заедничка Македонија“ од каде се организираа повеќемесечни протести кои ескалираа на Крвавиот четврток. 

Побаран е притвор и за пратениците кои се осомничени и се дел од истражната постапка за делото Терористичко загрозување на уставниот поредок и безбедноста со тоа што треба да се достави допис со Талат Џафери, по што ќе решава и Комисијата за деловнички и мандатно-иминутетни прашања при Собранието на Република Македонија. 

За делото со кое ќе ги товари ЈОРМ, 36-те осомничени им се заканува затворска казна од најмалку 10 години. 

Дел од осомничените по кои ЈОРМ започна постапка и натаму не се приведени од страна на полицијата. Меѓу недостапните за органите на прогонот е и пратеникот Јохан Тарчуловски. За две лице против кои се води истрага е определена мерка куќен притвор.