Лидерот на ДУИ, Али Ахмети свика состанок на Централното претседателство на партијата во Мала Речица. 

Ќе се анализира состојбатa со блокадата во Собранието, ќе се бараат излезни решенија, но и според дел од членовите ќе се отвори и прашањате за како што велат, однесувањето на БЕСА, објави 24 телевизија. 

„Опозициската коалиција меѓу ВМРО-ДПМНЕ и БЕСА ќе биде на дневен ред“ - вели за ТВ 24 пратеникот и шеф на кабинетот на Али Ахмети, Артан Груби.

Според Груби, БЕСА иако ги даде своите потписи за мнозинство, ги повлекла кога решиле да не го поддржат предлогот на СДСМ И ДУИ за претседател на Собранието да е Талат Џафери. Не сака да конкретизира колку е опција ДУИ да го услови учеството во Владата со неучеството на Билал Касами.