Цените на хотелите во Мексико никогаш не биле пониски, тврди за ТВ24 секретарот во премиерскиот кабинет Драги Рашковски.

Вели дека отишол таму на одмор со семејството бидејќи е многу евтино. Тајмингот за одмор му бил случајно избран, месеци претходно.

„Одморот ми е планиран пред неколку месеци. Така што, искрено не можам да знам однапред што ќе се случува на политичката сцена неколку месеци подоцна. А во однос на тоа зошто Мексико: затоа што цените на хотелите не биле никогаш пониски. Проверете на „Букинг“. За 14 дена имате хотели со 4 ѕвезди за 350 евра“, изјави Рашковски.

И вицепремиерот Љупчо Николовски бил на одмор, но од неговиот кабинет не дадоа детали каде одморал.

Центарот за контрола и превенција на болести препорачува да не патува во овој момент. Патниците треба да ги избегнуваат сите патувања во Мексико.

Во светски рамки, Мексико е 13-та земја по бројот на случаи на коронавирусот. Досега во Мексико од вирусот починаа скоро 200.000 луѓе. Последните податоци покажуваат дека во земјата има нови 175 починати.