Цените на горивата и мазивата во Европската Унија значително пораснале во март, со годишен раст од 12,9 проценти, покажуваат најновите податоци на Евростат.

Најголем раст е забележан кај дизелот, чија цена е повисока за речиси 20 проценти во споредба со истиот период лани, додека бензинот поскапел за 9,4 проценти.

Најголемиот раст на цените на горивата е регистриран во Германија, каде што тие се зголемиле за 19,8 проценти, по што следуваат Романија со 19,6 проценти, Холандија со 18,8 проценти, Летонија со 18,5 проценти и Австрија со 17,2 проценти.

Од друга страна, само две земји – Унгарија и Словенија – бележат пад на цените на горивата на годишно ниво, од 2,7 односно 5,9 проценти.

На месечно ниво, во однос на февруари, дизелот во ЕУ поскапел за 19,1 процент, додека бензинот за 10,6 проценти.

Најголем месечен раст на цената на дизелот е забележан во Чешка и Шведска (по 27,6 проценти), а потоа следуваат Естонија, Летонија, Белгија и Холандија.

Кај бензинот, најголеми поскапувања се регистрирани во Белгија, Шведска, Австрија и Чешка, како и во Естонија и Литванија.

Податоците укажуваат на силен притисок врз енергетските пазари во ЕУ, што се одразува врз трошоците за транспорт и животниот стандард на граѓаните.

Блиц.рс