На социјалните мрежи се бара финансиска помош за матична лекарка од Охрид, која добила мозочен удар.

„Кога системот за кој цел живот се борела потфрла, ние како колеги треба да се вклучиме и да помогнеме на Д-р Ружица Јанеска!  Ве замолуваме донирајте или споделете почитувани колеги!“, се вели во апелот во групата Асоцијација на специјализанти и млади лекари.

Во апелот за помош објавен на ecrowd.mk се вели „Пред три седмици нашата мајка доби голем мозочен удар којшто направи сериозни животозагрозувачки компликации. Како семејство имаме потреба од финансиска помош, бидејќи цените на третманот се многу високи. Замолуваме да донирате во рамки на можностите, да ни помогнете и да споделувате“ се вели во апелот, за докторката која е сместена во приватна болница во Скопје.