Заменикот на Викторија Нуланд Вес Мичел во вторник доаѓа во Скопје на средба со премиерот Заев и министерот за надворешни работи Никола Димитров а според брифирања во медиумите во фокус на разговорите неофицијално ќе биде актуелниот спор кој Македонија го има со Грција за името.

Дали ќе се активира булдожер дипломатијата со доаѓањето на помошникот државен секретар за Европа и Евроазија засега е неизвесно а високиот дипломат доаѓа во време кога се водат интензивни разговори на релација Македонија-Грција.

Кон крајот на месецов во земјава треба да дојде грчкиот министер за надворешни работи Никос Коѕијас кој се очекува да ја донесе нацрт спогодбата за спорот со името.